لاقيته بيقولي: أنا واحد معجب بيكي من زمان.
قفلت في وشه التيليفون فضل يرن طول اليوم
بس أنا قفلت التيليفون اليوم ده.
ومش عارفه ليه ما قلتش لجوزي. تاني يوم
لما فتحت التيليفون لاقيته رن كتير
و بعت رسايل.
شوية بعد ما فتحت التيليفون بدأ يتصل ويبعت رسايل وأنا ما أردش عليه
فضل علي الحال ده أسبوع.
واحدة واحدة بدأت افرح كل ما يبعت رسايل أو يحاول يتصل
ممكن علشان جوزي عمره ما قالي كلمة حلوة أنا عارفة إن ده مش عذر
بس ضعفت ورديت عليه. إتحججت قدام نفسي إني عاوزه أعرف مين ده
وبدأنا نتكلم. قالي هو مين طلع شاب من بلدنا أعرفه.
قالي: إنه بيحبني من زمان وكان ناوي يتقدملي بس جوزي سبقه
و إتجوزني ورغم كده مش قادر ينساني.
و ياريت أرد عليه لما يتصل بيا يسمع صوتي بس مش طالب أكتر من كده.
صديته في الأول بس بعد كده بدأت أتكلم معاه في حاجات عادية ومكالمة بعد مكالمة بدأت أتعلق
بيه واليوم اللي ما نتكلمش فيه أحس إني ناقصني حاجة.
إتصالاتي أنا وأحمد بدأت تزيد وبدأ يكون في رسايل بينا كمان.
بعد فترة صغيرة من كلامنا مكالماتنا ورسايلنا أخدت منحني تاني خالص ودخلنا في حاجات خارجة
و بصراحة أنا كنت متجاوبة معاه وحاسة إني بعيش قصة حب.
و في يوم بعد ما جوزي نام بالليل أخدت تيليفوني وإتصلت بيه.
التيليفون جاب جرس والخط فتح بس ما حدش رد
قلت: ألو أحمد أنت سامعني
رد عليا صوت سلفي قالي إزيك يا مرات أخويا !!!!!!!!!
بعد ما سمعت صوت سلفي في التيليفون بيقولي: إزيك يا مرات أخويا
قفلت المكالمة علي طول وشلت الخط من التيليفون وما بقيتش عارفة
إيه اللي بيحصل ؟
ما نمتش من التفكير لو سلفي طلع عارف اللي بيني وبين أحمد
وقال لجوزي إيه اللي ممكن يحصلي.
فضلت طول الليل مش عارفة أتلم علي أعـ,ـصابي وما حستش بنفسي إلا لما جه ميعاد مرواح جوزي علي شغله
حاولت أتمالك أعصابي قدامه علشان ما يبانش عليا أي حاجة.
وبعد ما جوزي مشي علي الشغل بنص ساعة إتصلت عليه علشان أعرف لو سلفي قاله حاجة
رد عليا وكان صوته عادي مافيهوش أي تغيير.
قفلت مع جوزي وقلت لنفسي حتي لو سلفي قال لجوزي فهو ما عندوش إثبات علي حاجة
ده حتي أحمد ده أنا عمري ما خرجت معاه ولا حتي كلمته في الشارع وجوزي عارف إن سلفي عاوزه يط’لقني
من زمان فأكيد مش هيصدقه.
و بعد ما رجع جوزي من الشغل ما لاحظتش أي تغيير عليه وتعامل معايا عادي خالص
قلت لنفسي ياتري سلفي ناوي علي إيه وليه ما قالش لجوزي حاجه؟
تاني يوم بعد ما جوزي مشي علي الشغل بنص ساعة الباب خبط.
روحت فتحت لاقيت سلفي !!
قالي: عاوزك في موضوع.
( وطبعا كنت عارفة جاي ليه )
قلتله: إتفضل.
دخل الأنتريه وسألني: أومال فين علي قلتله نايم لسه ما صحيش.
قالي: كويس أنو نا.يم علشان ما يسمعش الكلام هيتقال دلوقتي.
أنتي طبعا عارفة أنا جاي أكلمك في إيه.
قلتله: وهعرف منين ؟
ضحك ضحكة عالية وبعدها كشر وقالي ما خلاص يا مرات أخويا بلاش لف ودوران.
قلتله لف ودوران إيه أنا مش فاهمة حاجة؟
قالي: من الأخر كده أنا إتفقت مع أحمد يكلمك وكل مكالمة كنتوا بتتكلموها كنت ببقي قاعد جنبه
و سامع المكالمة من الأول للأخر هاااا تحبي أقولك كنتوا بتقولوا إيه كمان ولا كفاية كده.
قلتله: إيه اللي أنت بتقوله ده الكلام ده ما حصلش وأنا ما كلمتش حد وحتي لو قلت لجوزي الكلام ده مش
هيصدقك.
قالي مين قالك إني هقوله حاجة.
وراح مطلع التيليفون من جيبه وشغله علي تسجيل ليا أنا وأحمد
و قالي: هو هيسمعك بنفسه ومش هو بس دي بلدنا كلها هتسمعك…
بس ممكن نتفاهم.
و قالي: هو هيسمعك بنفسه ومش هو بس دي بلدنا كلها هتسمعك…
بس ممكن نتفاهم.
بعد ما سلفي واجهني بالتسجيلات حسيت إن الدنيا إسودت في وشي.
زعقت فيه وقلتله حرام عليك بتعمل معايا كده ليه أنا عملت معاك إيه
لكل ده بلاش أنا ما فكرتش في ابن أخوك قبل ما تعمل اللعبة دي كلها ليه.
قالي: كانت أمه فكرت فيه قبل ما تخون أبوه.
قلتله: أنا أنا ما خنتهوش وما حدش لمس مني شعرة كل ده كان مجرد كلام
و أنت عارف كده كويس (كنت منهاره وبعيط وكل اللي بيدور في بالي فضي’حتي
اللي هتبقي علي كل
لما قالي ممكن نتفاهم ما كانش قدامي غير إني أقبل بكل اللي هو عاوزه مع إنه هو السبب
في كل ده بس علشان ما أتفض؟ـ,ـحش كنت مستعدة أعمل أي حاجة.
قلتله: طلباتك.
قالي: تطلبي الطـ,ـلاق وكمان تتنازلي عن كل حقوقك.
قدامك أسبوع أسبوع واحد أسبوع ويوم واحد تسجيلاتك ورسايلك
هتبقي علي كل تيليفون في بلدنا ومش بلدنا بس لأ والبلاد اللي جنبنا كمان
دي هتبقي ولا حكاية ألف ليلة وضحك ضحكة عالية وسابني ونزل.
قعدت أسبوع مع جوزي كان أقصر أسبوع عيشته في حياتي
كنت بودع فيه جوزي وشقتي وحياة كاملة عشتها بدفعها تمن غلطة واحدة
في لحظة ضعف.
ده حتي بعد ما أنفذ طلبات سلفي ما عنديش أي ضمان يضمن لي إن سلفي ما يفضحنيش
بعد ما أعمل كل اللي هو عاوزه.
كان أملي الوحيد إني لما أبعد وأسيبله الجمل بما حمل يسبني في حالي.
و بعد ما عدي الأسبوع أخدت إبني وروحت علي بيت أهلي
و طلبت الطلاق.
جوزي وأهلي ما كانوش مصدقين اللي بيحصل وكانوا فاكرين إن دي لحظة شي’طان وهتروح لحالها.
بس أنا أصريت وقلبي كان بيتقطع.
الغريبة بقي إني وصلني إن سلفي كان بيعقل جوزي ويقوله حافظ علي بيتك علشان في
بينكم طفل وكان بيوسط ناس علشان أرجع عن اللي في دماغي علشان يبان قدام الناس الراجل التقي النقي اللي مافيش زيه.
بس كل ده ما كفاش سلفي ما حبش إني أط’لق من غير فضيحة.
و بعد كام يوم لاقيت جوزي جاي بيت والدي وعينيه مليانة شر والدي قابله قاله خير يا ابني ؟
جوزي قاله: أنا عاوز إبني وبنتك اللي سيريتها علي كل لسان ما تلزمنيش.
والدي قاله: إحترم نفسك أنا بنتي أشرف من الشرف.
جوزي قاله: شرف وراح مطلع التسجيلات مسمعها لوالدي.
والدي دخل عليا الأوضـ،ـة ضـ،ـربني وأخد إبني مني وأنا بعيط وأصوت وماسكة في إبني
عماله أتحايل عليه يبسيبهولي قالي أنتي حطيتي راسنا في الطين والولد أبوه أولي بيه.
سلفي ربنا ينتقم منه بعت التسجيلات لكل البلد وعلشان يبين أنه مالوش علاقة بالموضوع ما رضيش
يقول لجوزي لأن كده كده جوزي كان هيعرف من برة.
جوزي طل’قني وأخد مني إبني أبويا جاتله جلطة وإخواتي قعدوا فترة مايخرجوش من البيت علشان فضيحة أختهم.
اما أنا بقي فعايشة ميتة بفضيحتي اللي ملازماني حتي باب البيت ما بقيتش أقدر
حتي أخطيه أهلي اللي عايشة معاهم مقاطعني.
أنا عايشة بف’ضيحة حتي الزمن مش هيبقي كفيل إنه ينسيها للناس.
هو خططلي كل حاجه ووقعني في شر اعمالي واستغل لحظة ضعف عشان يدمرني كان من جوايا نار تاحيته
بعذ شويه كان الموضوع هدي والناس اتلهت في حياتها وقتها بس كان جه وقتي اني انتقم
اللي حواليا كلهم ميعرفوهوش اني مخططه لكل حاجه هتدمر بيتهم بالكامل وابني هيرجعلي
خرجت تليفون قديم من عندي من تحت المخدة جوايا شعور غريب بفرحه نسيت طعمها يمكن عشان هدوقهم نفس الكاس اللي شربته من اخوه
ركبت خط موبايل في تليفوني بعد اما الكل نام
اتصلت بهدير صاحبتي اللي كانت علي علم بكل شئ من اول ما اخو جوزي رد عليا في التليفون قبل مايخرب بيتي
كلمت هدير وعرفت منها انها اتصاحبت علي اخو جوزي وبقا بيتمني يقابلها
كمان عرفت منها انه حكالها عن سبب خرابه لبيتي وان والدته بتكرهني عشان كانت عاوزه تجوزو لابن اختها وانه شايفني اقل من اني اكون واحده من عيلتهم وكلام كتير جارح عشان اهلي ناس علي قد حالهم وان والدته علي علم بكل اللي هو عمله
والكارثه الاكبر ان جوزي كمان كان عارف وكانو بيعملو كل التمثيليه دي عشان يحرموني من حقي ومن عيالي وكان بيمثل عليا اني زوج مثالي مع انه من جواه زهق مني وبيحاول يتخلص مني بأقل ضـ،ـرر يحصله حتي لو علي حساب سمعتي انا واولاده
كان ممكن بالتسجيلات اللي سجلتها هدير افضـ,ـحهم بس برضه هيتقال ليه سمحت لنفسها تكلم جوزها وكان لازم احس بانتقام شديد
المهم بدأت انتقامي بأول مقابله بين هدير واخو جوزي هدير وقتها كانت في ابهي صوره ليها مع جمالها الزياده خلته هيتجنن عليها
بعدها كان بيطلب من هدير تقابل والدته ب اي طريقه ومعاها والدها
خليت هدير تقلت شويه وبعدها قولتلها جه الوقت المناسب عشان تقابليهم
فعلا كلمنا راجل كبير في السن نعرفه كويس اوي راجل مادي جدا قولناله هيمثل بس انه والد هدير بمقابل مادي طبعا وافق علطول
واتأجرنا شقه في مكان نضيف جدا وقلت لهدير تدي العنوان لاخو جوزي وفعلا تمت المقابله
والدتهم اتوهمت بالمستوي الاجتماعي للبنت اللي بيحبها ابنها وطبعا انا عرفاها بتحب المظاهر وكنت متوقعه انها هتتوهم كده اما جوزي سابقا كعادته مشالش عينه من علي هدير
وهدير في المقابل بدأت قد ماتقدر تغريه بطريقه غير ملحوظه نفذت اللي قولتلها عليه بالحرف الواحد
وبعد انتهاء الزياره بدون مايحسو وبعد اما هدير حست ان طليقي اتوهم بيها مسكت فونه وكتبت رقمها وهو ابتسم وحط تليفونه في جيبه عمل اللي توقعته بالظبط
بدأت هدير تكلم الاثنين وتسجل مكالمات قد ماتقدر زي ماقولتلها لحد اما زارتني وقصينا مكالماتها مع طل’يقي وركبناها بطريقه معينه وجه الوقت المناسب لتنفيذ الخطه والانتقام واني ارجع ولادي
اتصلت هدير باخو طليقي وبدأت تبكي بشده وتشتمه. وهو بيحاول يفهم طبعا وقتها كنا عارفين ان هدير بقت بالنسباله ادمان وبقت الاكسجين بتاعه ومن غيرها هيتجنن واحده واحده هدير قالتله اخوك زباله وبيقول اني هبقي بتاعتكم انتو الاتنين واتهمته انه اداله رقمها
أخو ط’ليقي مصدقش بعتتله التسجيلات اللي قصيناها واتس وقفلت السكه في وشه بعد اما لقته خلاص شبه اتجنن من الصدم#مه وكلمتني شويه ونمنا
تاني يوم الصبح صحيت علي خبر مoت طل’يقي بعد خناقه شديده مع اخوه اللي الشرطه مسكته واتهمته بالقت’ل
لبست هدومي بسرعه ورحت بيتهم والدته كانت بتصرخ ووسط صراخها اول ماشافتني سكتت من الصد@مة
مشيت ناحية ولادي واخدتهم ف حضني
اما هي بدأت تصرخ وتقول اطلعي من هنا متاخديش ولاد ابني دول من ريحته
بصيتلها باحتقار وقولتلها ابنك م١ت خلاص وانا اولي بعيالي خليهم يتربو ف بيت نضيف مينفغش يتربو في بيوت قتالين قتلا ومشيت وسط ذهول اللي قاعدين معاها من جيرانها اما هي من صد@مة كلامي متحركتش من مكانها ولا نطقت حرف بعد اما خرجت سمعت صوت الستات بتصرخ عرفت انها اغمي عليها او حصلها حاجه
تاني يوم نشرت كل المحادثات اللي كانت تبرأني نوعا ما وانهم كانو متفقين عليا كلهم ومن غير ما حد يعرف اني انا اللي نشرتها زي ماهما عملو فيا وقصيت كلام وركبته يبين اني مكلمتش حد أصلا وان كل ده ملعوب منهم والبركه في البرامج بتاعت التلبفون ساعدتني جدا في قص رتركيب الكلام
حاليا عايشه في بيت اهلي بربي عيالي وبس ولحد النهارده محدش يعرف اللي عملناه انا وهدير وازاي اخدت حقي
بحس بو.جع شد.يد اني اتسببت في مoت ابو اولادي ولكن عيبي اني مبعرفش اسيب حقي ومكانش فيه حل اني ارجع سمعتي وولادي غير كده
بنصح اي ست متجوزه متكلميش ابدأ اي راجل غير جوزك حتي لو جوزك انسان زباله اتطلقي منه او كملي معاه من غير ماتستني حنيه من راجل غيره ودي كانت قصتي ايه رأيكم اللي انا عملته صح ولا غلط
تعليقات: 0
إرسال تعليق